«Arsenal» hujumchisi Aleksis Sanches bosh murabbiy Arsen Venger bilan janjallashib qolgan va yozda klubni tark etmoqchi.

Daily Mail xabariga ko‘ra, Venger Sanchesning «Bavariya»ga (1:5) qarshi o‘yinidan norozi bo‘lgan, o‘z navbatida futbolchi aybni jamoadoshlariga to‘nkagan. Shundan so‘ng, bosh murabbiy uni «Liverpul»ga (1:3) qarshi o‘yinda maydonga tushirmagan.

Vyenger uni bo‘ysunmay qo‘yganlikda ayblagan va bu hulq-atvori jamoaga salbiy ta’sir ko‘rsatyapti deb hisoblamoqda.

Ayni paytda futbolchining kelajagi mavhumligicha qolmoqda. Avvalroq u bilan PSJ, «Yuventus» va «Inter» klublari qiziqqan edi.