«Арсенал» ҳужумчиси Алексис Санчес бош мураббий Арсен Венгер билан жанжаллашиб қолган ва ёзда клубни тарк этмоқчи.
Daily Mail хабарига кўра, Венгер Санчеснинг «Бавария»га (1:5) қарши ўйинидан норози бўлган, ўз навбатида футболчи айбни жамоадошларига тўнкаган. Шундан сўнг, бош мураббий уни «Ливерпуль»га (1:3) қарши ўйинда майдонга туширмаган.
Венгер уни бўйсунмай қўйганликда айблаган ва бу ҳулқ-атвори жамоага салбий таъсир кўрсатяпти деб ҳисобламоқда.
Айни пайтда футболчининг келажаги мавҳумлигича қолмоқда. Аввалроқ у билан ПСЖ, «Ювентус» ва «Интер» клублари қизиққан эди.
