«Yuventus» klubining sobiq himoyachisi Fabio Kannavaro 39 yoshli darvozabon Janluiji Buffon haqida o‘z fikrlarini aytdi.
«Jiji - irimchi. U o‘zining orzusi haqida gapirmaydi, biroq bilaman, Chempionlar ligasida g‘alaba qozonmoqchi. «Yuventus»da bu musobaqaning finaliga chiqib, g‘alaba qozonish uchun zarur bo‘lgan hamma narsa bor. Umid qilamanki, jamoa bunga erishadi. Buffon bu sovrinni boshi uzra ko‘tarishga loyiq» - dedi Kannavaro La Gazzetta dello Sport xabarida.
Eslatib o‘tamiz, Buffon o‘z faoliyatida bu sovrinni biror marta yutib olmagan.
