O‘zbekiston Kubogi doirasida “Neftchi”ga qarshi o‘tkazilgan o‘yindan so‘ng, "Andijon" navbatdagi bahsga tayyorgarlikni boshladi.
Rejaga ko‘ra bugun futbolchilar bir mahal mashg‘ulot o‘tkazishadi. Ertalab Sho‘rbuloq dahasidagi “FIMI” stadionida murabbiylar kechagi uchrashuvda xarakat qilgan o‘n nafar o‘yinchi bilan tiklanish mashg‘ulotlarini olib borgan bo‘lsa, tarkibdagi qolgan 15 nafar futbolchi doimgidek to‘p bilan taktik va jismoniy tayyorgarlik borasida ishladi. Ma’lum muddatlik tanaffusdan so‘ng himoyachi Davron Tursunov ham umumiy guruh bilan shug‘ullana boshlaganini ta’kidlash lozim.
Eslatib o‘tamiz, andijonliklar 1 aprel kuni safarda “G‘allakor”ga qarshi joriy chempionatdagi ilk rasmiy o‘yinini o‘tkazadi.
