Futzal bo‘yicha O‘zbekiston U-20 terma jamoasi shu yilning 29–30 aprel kunlari Toshkent shahrida Eron U-20 termasiga qarshi ikkita nazorat uchrashuvini o‘tkazadi.

Mazkur bellashuvlar 2017 yilning 16–26 may kunlari Tailandda, tarixda ilk marotaba o‘tkaziladigan U-20 Osiyo chempionatiga tayyorgarlik vazifasini o‘taydi.

O‘zbekiston termasidan tashqari futzal bo‘yicha qit’a birinchiligida Osiyo futbol konfederasiyasi (OFK)ga a’zo 21 mamlakat terma jamoasi ishtirok etadi.

30 mart kuni bo‘lib o‘tgan qur’a natijasiga ko‘ra, O‘zbekiston U-20 termasi “S” guruhidan joy oldi va pley-off yo‘llanmasi uchun Qatar, Livan, Myanma va Gonkong yoshlariga qarshi bahs olib boradi.

Ma’lumot uchun, futzal bo‘yicha O‘zbekiston U-20 terma jamoasiga ispaniyalik mutaxassis Xose Mariya Mendez bosh murabbiylik qilmoqda.