«Atletiko» klubi «Real» ustidan FIFAga shikoyat qilishi mumkin.
«Matraschi»lar «Real»ning himoyachi Teo Ernandes bilan muzokara olib borayotganidan norozi, deb xabar bermoqda AS. Avvalroq, «Qirollik klubi» 19 yoshli futbolchi uchun 24 mln yevro to‘lamoqchi ekani haqida xabarlar chiqqan edi.
FIFA qoidasiga ko‘ra, futbolchining shartnomasi muddati yakunlanishiga 6 oy qolganidagina u bilan muzokara o‘tkazish mumkin. Ispaniya futbol federasiyasi qoidasiga ko‘ra esa, futbolchi bilan muzokara o‘tkazilishi haqida uning klubi ogohlantirilishi shart. «Real» har ikkala shartni ham bajarmagan.
Ernandesning «Atletiko» bilan imzolagan shartnomasi 2021 yilgacha amal qiladi.
