Dortmund polisiyasining fikriga ko‘ra, «Borussiya» klubi avtobusi oldidagi portlashni diniy ekstremistlar qilmagan.

Bu haqda BBC xabar bermoqda.

Avvalroq, voqea yuz bergan joydan «Bismillo...» deb boshlangan xat topib olingan edi. Ammo polisiyaning fikriga ko‘ra, bu xat tergovni chalg‘itish va aybni diniy ekstremistlarga to‘nkash maqsadida yozilgan.

Xatda Germaniyani Ramshtayndagi aviabazani yopishi kerakligi va harbiy samolyotlarni Suriyadan olib chiqishi shartligi talab qilingan. Aks holda, sportchilar va boshqa mashhur insonlar Germaniyada bemalol yurolmasligi bilan tahdid qilingan.

Polisiyaning fikriga ko‘ra, ekstremistlar bunday tarzda muzokara o‘tkazmaydi. Undan tashqari, xat nemis tilida gapiradigan inson tomonidan, atayin xatolar bilan yozilgan. Bu bilan u xatni xuddi xorijliklar yozgandek ko‘rsatmoqchi bo‘lgan.

Eslatib o‘tamiz, Chempionlar ligasidan o‘rin olgan «Monako» klubiga qarshi o‘yindan oldin «Borussiya» D avtobusi oldida portlash yuz bergan va unda himoyachi Mark Bartra jarohatlangan edi.