"Chelsi" bosh murabbiyi Antonio Konte Angliya chempionatining 33-turi doirasida "Manchester Yunayted"ga qarshi o‘yin (0:2) borasida o‘z fikrlarini bildirib o‘tdi.

"Manchester Yunayted" g‘alabaga munosib o‘yin ko‘rsatdi. Boisi, raqib futbolchilari g‘alabaga bo‘lgan kuchli ishtiyoq namoyish qilishdi. Bunday holatda hamma ayb menda, javobgarlikni o‘z zimmamga olaman. Men shogirdlarimni yetarlicha ruhlantira olmadim.

Errera to‘pni qo‘li bilan o‘ynagani uchun belgilanmagan penalti? "Kristal Pelas"ga qarshi o‘yinda raqib jarima maydonchasi ichida to‘p qo‘l bilan yaqqol o‘ynalgan bo‘lsa, "Stok Siti"ga qarshi o‘yinda darvozamizga shubhali penalti belgilangandi. Lekin bu muhim emas. Hakam raqib foydasiga qaror chiqardi, bu tomondan omadimiz kelmadi.

Chempionlik uchun kurash hali tugamadi. "Tottenxem" ajoyib formada va ishtiyoq bilan o‘ynamoqda. Lekin biz o‘z maqsadimizga erishish uchun harakat qilishimiz kerak. APLning qolgan qismida oson o‘yinlar bo‘lmaydi", – dedi Konte.