«Yuventus» himoyachisi Jorjo Kyellini Chempionlar ligasidan o‘rin olgan «Barselona»ga qarshi o‘yin haqida o‘z fikrini aytdi.
Turinda kechgan birinchi uchrashuv 3:0 hisobida «Yuventus» foydasiga hal bo‘lgan edi.
«Biz faqat ishning yarmini bajardik. «Barselona»ga qarshi o‘yinda himoyalanishimiz kerak bo‘ladi. Agar gol ursak, o‘zimizga bo‘lgan ishonch ortadi.
Biz qo‘rquvsiz harakat qilishimiz kerak, chunki raqibimiz akulaga o‘xshaydi. Agar ular qon hidini sezishsa, biz tamom bo‘lamiz. Ularni darvozamizdan uzoqroqda ushlashimiz kerak.
Luis Enrike «PSJ»ga qarshi o‘yindagi kambekdan ko‘ra, bu o‘yindagisi osonroq debdi, u haq. Axir bu oddiy arifmetikaku? Albatta u bu ishni yana bir marta amalga oshirishga urinib ko‘radi» - dedi Kyellini.
Eslatib o‘tamiz, jamoalar o‘rtasidagi javob o‘yini 19 aprel kuni bo‘lib o‘tadi.
