UYEFA Chempionlar ligasining chorakfinal javob o‘yiniga hakamlarni tayinladi.

Xususan, «Barselona» - «Yuventus» o‘yinida gollandiyalik Byorn Kyoypers boshchiligidagi hakamlar brigadasi ishlaydigan bo‘ldi. Bu yangilik nafaqat «Yuve» muxlislarini, balki butun italiyaliklarni karaxt ahvolga solib qo‘ydi.

Gap shundaki, Kyoypers boshqargan o‘yinlarda «Yuventus» biror marta g‘alaba qozonmagan – 3 durang va 1 mag‘lubiyat. «Barselona» esa gollandiyalik hakamlar ishlagan o‘yinlarda 3 g‘alaba, 3 durang va 1 mag‘lubiyatni qayd etgan

Allegrining ahvoli esa biroz og‘irroq. Uning boshqaruvidagi «Milan» 2012 yilda «Barselona»ga 1:3 hisobida yutqazib, musobaqani tark etgan. Kyoypers esa bu o‘yinda italiyaliklar darvozasiga 2ta penalti belgilagan.

Shu faktlarga tayanib, Italiyada efirga chiqadigan Sportmediaset dasturi «Yuve» futbolchilarini hushyorlikka chaqirmoqda. Xususan «Kyellini va do‘stlari» jarima maydoni ichida qo‘llarini to‘pdan uzoqroqda tutishini tavsiya qilmoqda.