«Barselona» Chempionlar ligasidan o‘rin olgan «Yuventus»ga qarshi o‘yinda kerakli hisobda g‘alaba qozonish oson bo‘lmaydi.
O‘yinni qo‘shimcha vaqtga o‘tkazish uchun kataloniyaliklar 3:0 hisobida g‘alaba qozonishlari kerak. Biroq statistikaga ko‘ra, Buffonning darvozasiga uchta gol urish oson emas. Tajribali posbon yevrokuboklarda 147 o‘yindan buyon 0:3 hisobida yutqazmayapti. So‘nggi bor u 2002/2003 mavsumda «MYU»ga qarshi o‘yinda shunday hisobda yutqazgan edi.
Buffon faoliyatida bor yo‘g‘i ikki marta 4ta gol o‘tkazgan. Har ikkala holatda ham «Bavariya»dan – 2009/2010 mavsumda 1:4, 2015/2016 mavsumda 2:4. Ammo bunday hisoblar «Barselona»ni qoniqtirmaydi.
2002/2003 mavsumda «Yuventus» «Kamp Nou»da «Barselona»ni mag‘lub etgandi. O‘sha tarkibda o‘ynagan futbolchilardan faqat Buffon faoliyatini davom ettirmoqda.
Bundan tashqari, darvozabon o‘z faoliyatida Messidan birorta gol o‘tkazib yubormagan, deb xabar bermoqda AS.
