“Milan”ning 18 yoshli darvozaboni Janluiji Donnarumma jamoaning yangi sardori etib tayinlanishi mumkin. Bu haqda La Gazzetta dello Sport nashri xabar beradi.
Manbaning xabariga ko‘ra, ushbu shart darvozabonning klub bilan tuzadigan yangi shartnomasi bandiga kiritiladi.
Ayni vaqtda, “Milan” Donnarummaga 2022 yilga qadar shartnoma muddatini uzaytirish va yiliga 3,2 million yevrolik maosh taklif etishni rejalashtirmoqda.
Shuningdek, “Real” va “Manchester Yunayted” 18 yoshli darvozabon bilan shartnoma imzolagudek bo‘lsa, uning yillik maoshini 7,5 million yevro qilib belgilashini kafolatlaydi.
Janluijjining agenti Mino Rayola esa posbonni “Milan”dan yiliga 4 million yevro maosh ta’lab qilishga ko‘ndirmoqchi.
