Turinning “Yuventus” klubi hujumchisi Paulo Dibala “Atalanta”ga qarshi kechgan o‘yin (2:2) borasida fikrlari bilan o‘rtoqlashdi.
Eslatib o‘tamiz turinliklar Jan Pyero Gasperini qo‘l ostidagi “Atalanta”ni yenga olishmadi.
“Biz ikkinchi bo‘limda yaxshi o‘yin namoyish etdik, lekin ungacha raqib bizni qiyin axvolga solib qo‘ydi. Endi chorshanba kungi o‘yinga jiddiy tayyorlanishimiz lozim. “Atalanta” himoyadan hujumga tezkor ravishda o‘tadigan ajoyib jamoa ekanligini isbotladi.
Mavsum hali yakuniga yetmaganini unutmasligim lozim. “Yuve”ni oldinda 2 ta Turin derbisi va “Roma”ga qarshi o‘yin kutib turibdi. Tabiiyki, bu kabi o‘yinlardan so‘ng vaziyatni o‘nglashimiz lozim” – deydi Paulo Dibala.
