“Bunyodkor” – “Metallurg” uchrashuvidan keyingi matbuot anjumanining birinchi qismida bekobodliklar ustozi ishtirok etdi.

- Uchrashuvning birinchi bo‘limida o‘zimiz istagandek o‘yin ko‘rsata olmadik. Futbolchilarimizga musobaqa jadalida egallab turgan o‘rnimiz salbiy ta’sir o‘tkazmoqda. Tanaffus paytida yigitlarga qanday o‘ynash kerakligini qo‘shimcha ravishda tushuntirdik. Hisobni tenglashtirdik. Penaltidan foydalanganimizda hatto g‘alaba ham qozonar edik. Boshqa tomondan olib qaraganda, raqib ham penaltidan gol urganida bugun bir ochkosiz qolishimiz mumkin edi. 11 metrlik jarima zarbasini tepish bo‘yicha tanlov kechagi mashg‘ulotdan keyin qabul qilingan edi. Unda Sulaymonov bexato bajargandi. Bugun esa u vaziyatdan foydalana olmadi. Bugungi durangni g‘alabaga teng deb baholagan bo‘lardim, - deydi Shavkat Saidov.