Osiyo Chempionlar Ligasi–2017 turniri “A” guruhi so‘nngi, 6-tur uchrashuvlari yakuniga yetdi. Ushbu turda Toshkentning “Lokomotiv” jamoasi safarda Dubayning “Al-Ahli” klubi mehmoni bo‘ldi.
Murosasiz kechgan o‘yinda amirliklar 4:0 hisobida zafar quchdi. Salmin Hamis, Ismoil al-Hammadi, Asamoa Gyan va Everton Ribeyroning gollari “Al-Ahli”ning yirik g‘alabasini ta’minladi. Mazkur uchrashuvdan so‘ng “Lokomotiv” musobaqani tark etishga majbur bo‘ldi.
Parallel ravishda kechgan o‘yinda Tehronning “Istiqlol” jamoasi mehmonda Saudiya Arabistonining “Al-Tavun” bilan kuch sinashdi. Ushbu o‘yinda eronliklar 2:1 hisobida g‘alaba qozondi.
Demak, “A” guruhidan “Al-Ahli” va “Istiqlol Tehron” klublari OCHL–2017 pley-off bosqichiga yo‘l oldi.
OCHL–2017. “A” guruhi
Dubay, BAA
9 may, seshanba
“Al-Ahli” – “Lokomotiv” 4:0 (1:0, 3:0)
Gollar: Salmin Hamis (27), Ismoil al-Hammadi (59), Asamoa Gyan (73), Everton Ribeyro (77)
Ogohlantirishlar: Oleg Zoteev (17), Islom To‘xtaxo‘jayev (58)
“Al-Ahli”: Majid Nosir, Salmin Hamis, Asamoa Gyan (Volid Hussayn, 78), Xabib al-Fardan (Volid Ambar, 81), Volid Abbos, Ismoil al-Hammadi, Everton Ribeyro, Hamis Ismoil, Said Ahmad, Abdulaziz Haykal (Muhammad Sebil, 82), Abdulaziz Sanqur.
“Lokomotiv”: Ma’mur Ikromov, Kaxi Maxaradze, Ikrom Aliboyev, Marat Bikmayev (Diyor Turopov, 79), Sardor Mirzayev, Islom To‘xtaxo‘jayev, Murod Bobojonov, Shuhrat Muhammadiyev, Oleg Zoteev, Muhammad Kone (Timur Kapadze, 62), Jaloliddin Masharipov (Quvondiq Ro‘ziyev, 67).
