O‘tgan yili Marg‘ilon shahrida tashkil topgan yangi “Farovon” futbol klubi jadallik bilan rivojlanib bormoqda.
Ayni paytda jamoa Farg‘ona viloyati 2-liga bahslarida ishtirok etib kelyapti. Yosh klub o‘z oldiga O‘zbekiston Chempionati Birinchi ligasiga chiqishdek jiddiy vazifasini qo‘ygan. Jamoa safini ayni paytda marg‘ilonlik yosh futbolchilar tashkil qiladi. Marg‘ilon shahri sharafini himoya qiluvchi klub tashkil etilganiga ko‘p vaqt o‘tmasdan, jamoa o‘zining yangi futbol maktabini ishga tushirishga ham muvaffaq bo‘ldi. Ko‘zlangan asosiy maqsad, futbol sport turini yanada ommalashtirish, viloyatdagi iste’dodli yosh futbolchilarni katta futbolga kirib borishlarida to‘g‘ri yo‘naltirishdan iboratdir.
Dilmurod Jamoliddinov rahbarligidagi futbol maktabiga 1-sinfdan 7-sinfga qadar bo‘lgan bolalar qabul qilinadi. Qabul jarayoni boshlangan. Maktabga qabul qilingan futbolchilar klubning maxsus ekipirovkalari bilan ta’minlanishi ham aytib o‘tish mumkin.
Ayni paytda 7 ta yangi guruh tashkil qilindi. O‘z farzandlarini Marg‘ilondagi mazkur futbol maktabiga a’zo bo‘lishini istagan ota-onalar klub mutasaddilari bilan aloqaga chiqishlari mumkin.
Murojaat uchun telefonlar:
+ 998 91 325 18 60
+ 998 93 640 82 58
+ 998 94 134 0202
