Germaniya terma jamoasi va “Arsenal” yarim himoyachisi Mesut O‘zil unga bildirilayotgan tanqidlar haqida fikr bildirib o‘tdi.
Ma’lumki, O‘zilga joriy mavsum ko‘plab tanqid toshllari yog‘ilmoqda. Ayniqsa, “Arsenal” muhlislari Mesut O‘zil kutilgan ishonchni oqlay olmagani va muhim o‘yinlarda yo‘qolib qolishini tanqid ostiga olishgan.
“Umidlar har doim katta. Men nima qilishni bilaman. Tanqidlarga tupurdim. Ular menga umuman ta’sir qilmaydi.
Tanqid va maqtovning har doim o‘z o‘rin bor. Salbiy fikrlar meni kuchli qiladi.
Mening kelajagim? Oldin ham aytganimday, hozir eng muhimi bu “Arsenal”. Belgilangan vazifalarni bajarish lozim”, - deydi O‘zil Sky Sport nashriga bergan intervyusida.
