Futbol bo‘yicha O‘zbekiston Oliy ligasining 10-turidan joy olgan 5 ta uchrashuvga yakun yasaldi.

G‘uzorning «Sho‘rtan»i Toshkentning uch grand jamoasini dastlabki o‘n turda mag‘lub etgan klubga aylanib oldi. Bunga qadar «Lokomotiv»ni 2:0, «Paxtakor»ni esa 3:0 hisobida yenggan «gazchilar», 10-turda Mirjalol Qosimov murabbiylik qilayotgan «Bunyodkor»ni taslim qildi — 1:0.

Ma’lumot uchun, Qosimov «qaldirg‘ochlar» bilan rasmiy mashg‘ulot o‘tkazishni ikki kun avval boshlagandi.

Turning markaziy o‘yini vodiyda kechib, unda Namangan va Qo‘qon shahri klublari o‘zaro to‘qnash keldi. Valentin Kovalenko 90-daqiqaga kelib hisobda oldinda borayotgan mezbonlar darvozasiga penalti tayin qildi va shu tariqa vodiy derbisi durang bilan yakuniga yetdi.

O‘zbekiston Oliy ligasi
10-tur bellashuvlari
12 may, juma

«Metallurg» — «So‘g‘diyona» 3:1
Gollar: Islom Qobilov, 9 (1:0). Doston Tursunov, 22 (2:0). G‘ulom O‘runov, 47-pen (2:1). Jahongir Abdumo‘minov, 54 (3:1).

«Neftchi» — «Obod» 1:0
Gol: Mo‘ydin Mamazulunov, 65 (1:0).

«Navbahor» — «Qo‘qon—1912» 1:1
Gollar: Nemanya Yovanovich, 23 (1:0). Murod Xolmuhammedov, 90-pen (1:1).

«Sho‘rtan» — «Bunyodkor» 1:0
Gol: Umar Eshmurodov, 14 (1:0).

«Paxtakor» — «Buxoro» 2:1
Gollar: Vladimir Kozak, 47 (1:0). Suhrob Nurillayev, 82 (2:0). Ivan Nagayev, 90 (2:1).

13 may, shanba
«Dinamo» — «Nasaf»
«Lokomotiv» — «Qizilqum»
«Mash’al» — «Olmaliq»