Oliy liga 10-turidan o‘rin olgan “Neftchi” – “Obod” bahsidan so‘ng mezbonlar yarim himoyachisi Abbos Maxstaliyev o‘z fikrlari bilan o‘rtoqlashdi.
"Og‘ir o‘yin bo‘ldi. Bahsda g‘alaba qozonib navbatdagi ochkolarga ega chiqishimiz juda zarur edi. Chunki tezroq turnir jadvalida o‘z o‘rnimizni yaxshi olishimiz kerak. G‘alabadan xursandman. “Obod” qisqa uzatmalar orqali yaxshi o‘yinaydigan jamoa hisoblanadi. Ularga keyingi uchrashuvlarda omad tilayman. Ochig‘i, bugun g‘alabadan boshqa yo‘limiz yo‘q edi. Shu sababli, o‘z muvaffaqiyatimizga ishonch bilan maydonda harakat qildik" - dedi Maxstaliyev.
