Oliy liga 10-turida "Sho‘rtan" o‘z maydonida "Bunyodkor"ni (1:0) mag‘lub etdi.
Fahriddin Choriyev o‘yin taqdirini hal qilgan yagona gol muallifi - markaziy himoyachi Umar Eshmurodov bilan qisqa suhbat uyushtirdi.
– Umar bugungi g‘alaba bilan tabriklayman?
–Rahmat.
–Bugungi uchrashuv haqida to‘xtalib o‘tsangiz?
–Nima desam ekan? O‘yin og‘ir kechdi, “Bunyodkor” jamoasi butun o‘yin davomida tashabusni o‘z qo‘llarida ushlab turishdi. Bizning jarima maydonchamiz atrofida bir necha xavfli vaziyatlar sodir etishdi. Himoyadagi bexato harakatlarimiz evaziga jamoa raqibning xavfli ko‘rinishdagi qarshi hujumlarini bartaraf etishdi.
–Uchrashuvdan oldindan bosh murabbiy tomonidan qanday vazifa qo‘yilgan edi?
–Raqibning hatolaridan umumli foydalanib, qarshi hujum taktikasini amalga oshirish va himoyada imkon qadar, tartibli harakat qilish edi.
–Ixtiyor Karimov o‘z shogirdlaridan nimani talab qiladi?
–Ishlashimiz va undan rohatlanishimizni.
–Maydonda qaysi jamoadoshingiz bilan yaxshi chiqishayapsiz?
–Namaganlik tajribali markaziy himoyachi Obid Jo‘raboyev bilan hamkorligimiz yomon chiqmayapti, menimcha. Zero, u bilan bitta qanotda to‘p suramiz va ko‘pincha raqib hujumlarini bartaraf etishda bir-birimizni tez tushunamiz. Maydon tashqarisida esa, Jamol Otaqulov, Olim Karimov, Otabek Narzullayev, Siroj Hamroyev, G‘ulom Rahmonov, Marufxon Murodovlar bilan munosabatim a’lo darajada. Ular bilan turli mavzularda suhbatlashamiz, bahslashamiz, hazillashib turamiz. Umuman olganda, jamoamiz ahil-inoq. Barchamiz bir maqsad yo‘lida birlashganmiz.
–Milliy chempionatimiz bu yilgi manzarasi xususida nima deysiz?
–Uchrashuvlarda jangovarlik oshganligi sezilib turibdi,tomoshaboplik darajasi chakki emas. To‘g‘ri, “Lokomotiv”, “Nasaf” klublarining imkoniyatlari nisbatan baland ekanligini rad etib bo‘lmaydi. Lekin qolganlar ham u qadar orqada emaslar. Har bir klub hoh o‘z maydoni, hoh safarda bo‘lsin, raqibga jiddiy kurash taklif etyapti. Bir so‘z bilan aytganda, bu yilgi o‘yinlar chempionatimiz saviyasi ancha oshganligidaan dalolat bermoqda.
