Oliy liga 11-turidan o‘rin olgan «Olmaliq» - «Metallurg» (1:1) o‘yinidan so‘ng, mehmon jamoa boshlig‘i Shavkat Saidov o‘yin borasida o‘z fikrlarini bayon etdi.

«Bugungi uchrashuv ancha qizg‘in va kurashlarga boy o‘tdi. Buni hakam tomonidan ko‘rsatilgan ogohlantirishlar sonidan ham bilish mumkin. Maydonning har qarichi uchun kurash bo‘ldi. Birinchi taymda gol urish imkoniyatimiz bo‘ldi. Biroq vaziyatlardan unumli foydalanishda oqsadik. O‘yinning ikkinchi qismida mezbonlar yaxshi o‘yin namoyish etishdi. Ularni haqli g‘alaba bilan tabriklayman.

Jamoa tarkibida yetarlicha raqobat bor. "Olmaliq"ni o‘yin uslubini o‘rgangan holda bugun darvozamizni bo‘ydor posbon Sultonovga ishonib topshirdik. Shuningdek, katta tajribaga ega Davron Karimqulovni ham asosiy tarkibga tushirdik. O‘tgan o‘yinda chap qanot himoyasida yosh futbolchi Toshqo‘ziyev harakat qilgandi. Tarkibdagi o‘zgarishlar tez orada ijobiy natija berishiga ishonamiz» - dedi Saidov.