"Yuventus" klubi sobiq futbolchisi Edgar Davids Yevropa chempionlar ligasi final oldidan o‘z fikrlarini bildirib o‘tdi.

"Chempionlar ligasi finalida favorit yo‘q. O‘tgan yili "Real" "Atletiko"ga qarshi finalni yaxshi boshlagandi, ammo barchasi penaltilar seriyasi bilan yakunlangandi. Bunday o‘yinlarda istalgan narsa ro‘y berishi mumkin.

"Real" taslim bo‘lmas jamoa emas, ammo madridliklar o‘z tarkibida 2-3 nafar futbolchi borki, ular katta ishni qilishadi. "Yuventus"ning eng katta muammosi — bu Ronaldu. "Yuventus" futbolchilari uning "Atletiko" darvozasiga urgan 3ta golini ko‘rishdi.

"Yuventus"ning kuchli himoyasi BBC hujum uchligini to‘xtatishga qodirmi? Shunday futbolchilar borki, ularni to‘xtatib bo‘lmaydi. Masalan, Messi, Neymar va Suares. Ular sizga gol ura olmasa, demak, omadingiz kelibdi.

Dibala va Iguain – yaxshi hujumchilar, ammo ular Ronaldu darajasida emas.

Buffon? U "Oltin to‘p"ga munosib o‘yin ko‘rsatdi. Jiji "Monako" va "Barselona"ga qarshi o‘yinlarda hal qiluvchi ahamiyatga ega bo‘ldi. Milanda bo‘lib o‘tgan YECHL-2016 finalida Ronaldu kuchli o‘yin ko‘rsatmadi, ammo u hal qiluvchi penaltidan gol urdi. Umid qilaman, bu safar ish penaltilar seriyasigacha yetib borsa, Buffon so‘nggi so‘zni aytish huquqiga ega bo‘ladi", – dedi Davids.