Ingliz klublari va «Real» «Monako» hujumchisi Kilian Mbappe uchun kurashmoqda.

Ayni paytda «Real» bu borada peshqadam bo‘lib turibdi. Madridliklar 18 yoshli futbolchi uchun 135 mln yevro taklif qilmoqda.

As xabariga ko‘ra, «Manchester Yunayted» Mbappe uchun 130 mln yevro, «Arsenal» 126 mln yevro, «Manchester Siti» esa 120 mln yevro taklif qilgan.

Avvalroq, «Monako» Mbappeni 100 mln yevroga sotmagan edi. Futbolchining o‘zi muntazam o‘yin amaliyotiga ega bo‘lish uchun knyazlik klubi tarkibida to‘p surmoqchi.