Argentinaning 4-divizioni vakili «Pasifiko» klubi himoyachisi Federiko Alyende raqiblariga igna sanchganini tan oldi.
Futbolchi mamlakat kubogidan o‘rin olgan «Estudiantes» (3:2) klubiga qarshi o‘yinda g‘irromlik qilishga majbur bo‘lganini aytdi.
«Biz g‘irrom o‘ynashga majbur edik. «Estudiantes» hujumchilariga igna sanchdim. Yuqori divizion klublarining hujumchilari bunga chidamaydi. Ular vaqt cho‘zish, qo‘pol o‘yinni yoqtirmaydi. Nima ham qilardik, futbolni aqllilar o‘ynashi kerak» - dedi Alyende Vorterix xabarida.
Bu mojarodan keyin «Pasifiko» rahbari Ektor Monkada himoyachini haydab yuborishga va’da berdi.
