Аргентинанинг 4-дивизиони вакили «Пасифико» клуби ҳимоячиси Федерико Альенде рақибларига игна санчганини тан олди.

Футболчи мамлакат кубогидан ўрин олган «Эстудиантес» (3:2) клубига қарши ўйинда ғирромлик қилишга мажбур бўлганини айтди.

«Биз ғирром ўйнашга мажбур эдик. «Эстудиантес» ҳужумчиларига игна санчдим. Юқори дивизион клубларининг ҳужумчилари бунга чидамайди. Улар вақт чўзиш, қўпол ўйинни ёқтирмайди. Нима ҳам қилардик, футболни ақллилар ўйнаши керак» - деди Альенде Vorterix хабарида.

Бу можародан кейин «Пасифико» раҳбари Эктор Монкада ҳимоячини ҳайдаб юборишга ваъда берди.