"Barselona" klubi braziliyaning "Palmeyras" klubi himoyachisi Yerri Minani sotib olishga qat’iy kirishdi, kataloniyaliklar futbolchi bilan qishda kelishib qo‘ygan edilar.

Bu qarorga "Barsa" sport direktori Roberto Fernandes Kolumbiya - Kamerun o‘rtoqlik uchrashuvini tomsha qilganidan so‘ng keldi. Uchrashuvda kolumbiyaliklar 4:0 hisobida g‘alaba qozongan va Mina ikkita gol urgan edi.

Agar "Palmeyras" Libertadores kubogida uzoqroq boradigan bo‘lsa, Mina 2018 yilning boshida kataloniyaliklar safiga o‘tadi, agar jamoa musobaqadan chiqib ketsa, yozning oxirigacha futbolchi "Barsa" libosini kiyadi

Ammo "Barselona" ishni cho‘zmoqchi emas va futbolchining mavsumoldi tayyorgarlik jarayonida jamoa bilan birga bo‘lishi uchun "Palmeyras"ning natijasidan qat’iy nazar tezroq qo‘shib olmoqchi. "Barselona" futbolchini 9 mln yevro evaziga sotib olishi mumkin.