"Барселона" клуби бразилиянинг "Палмейрас" клуби ҳимоячиси Йерри Минани сотиб олишга қатъий киришди, каталонияликлар футболчи билан қишда келишиб қўйган эдилар.

Бу қарорга "Барса" спорт директори Роберто Фернандес Колумбия - Камерун ўртоқлик учрашувини томша қилганидан сўнг келди. Учрашувда колумбияликлар 4:0 ҳисобида ғалаба қозонган ва Мина иккита гол урган эди.

Агар "Палмейрас" Либертадорес кубогида узоқроқ борадиган бўлса, Мина 2018 йилнинг бошида каталонияликлар сафига ўтади, агар жамоа мусобақадан чиқиб кетса, ёзнинг охиригача футболчи "Барса" либосини кияди

Аммо "Барселона" ишни чўзмоқчи эмас ва футболчининг мавсумолди тайёргарлик жараёнида жамоа билан бирга бўлиши учун "Палмейрас"нинг натижасидан қатъий назар тезроқ қўшиб олмоқчи. "Барселона" футболчини 9 млн евро эвазига сотиб олиши мумкин.