«Arsenal» klubi «Barselona» yarim himoyachisi Arda Turonga qiziqishda davom etmoqda. Eslatib o‘tamiz, turkiyalik futbolchiga «Inter» ham da’vogarlik qilmoqda.
Ma’lumotlarga qaraganda, londonliklar 30 yoshli futbolchi uchun 30 million yevro berishga tayyor. Avvalroq «Arsenal» Turon uchun 25 million yevro taklif qilgan bo‘lsa, «Barselona» 41 million yevro talab qilgandi.
Futbolchining kataloniyaliklar bilan shartnomasi 2020 yilda yakuniga yetadi.
Turon Ispaniya chempionatining yakunlangan mavsumida 18ta o‘yinda maydonga tushib, 3ta gol urdi va 3ta golga assistentlik qildi.