«Barselona» klubi Xitoy chempionatida ishtirok etuvchi futbolchi bilan shartnoma imzolashi mumkin.

Bosh murabbiy Ernesto Valverde «Guanchjou Evergrand» yarimhimoyachisi Paulinyo bilan qiziqmoqda, deb xabar beradi Goal. Kataloniya klubi vakillari «Guanchjou Evergrand» rahbariyati bilan uchrashib, transfer bo‘yicha muzokarani boshlagan.

«Barselona» futbolchi uchun 20-25 mln yevro bermoqchi, ammo xitoyliklar 40 mln yevro so‘ramoqda. Endi kataloniyaliklar uning narxini tushirish ustida ishlamoqda.

Paulinyo 2013 yilda «Barselona»ga o‘tishga yaqin edi. Ammo kataloniyaliklar muzokarada biroz kech qoldi va futbolchi «Tottenhem»ga o‘tib ketdi. 2015 yilda esa «Guanchjou Evergrand» safini to‘ldirdi.