“Metallurg”ga qarshi uchrashuvdan so‘ng Oliy Liga birinchi davrasidagi o‘yinlarini yakunlagan “Lokomotiv” endi e’tiborini mamlakat kubogi chorak final bahslari doirasida kechadigan “Buxoro” bilan qarama-qarshilikka qaratadi.
“Temiryo‘lchilar” 4 iyul sanasida “Buxoro” maydoniga safar uyushtirishadi. Ayni damda jamoa ushbu o‘yinga hozirlik jarayonini olib bormoqda. Kecha jamoamiz “Metallurg”ga qarshi uchrashuvdan keyingi tiklanish mashg‘ulotini o‘tkazdi. Mashg‘ulot jarayonida jamoamizning barcha futbolchilari ishtirok etishdi.
Jarohatlangan o‘yinchilar – Marat Bikmayev hamda Islom To‘xtaxo‘jayevning jarohatdan qutilish jarayoni ko‘ngildagidek kechmoqda. Ushbu ikki futbolchi yaqin orada umumiy guruh mashg‘ulotlariga qo‘shilishadi.
