2-7 iyul kunlari Janubiy Koreyada Chuncheon Korea open – 2017 turnirida dunyoning ko‘plab mamlakatlaridan eng sara sportchilar g‘oliblik uchun kuch sinashdi. Musobaqada ishtirok etgan kattalar, kadetlar va o‘smirlarning natijalari kishini quvontiradi.
Kattalar o‘rtasidagi bellashuvlarda Nigora Tursunqulova (-67 kg), Diyor Sobirov (-58) va Umida Abdullayeva (-62) oltin medalni qo‘lga kiritgan bo‘lsa, Nikita Rafalovich (-74) hamda Temur Sobirov (-58) bronza medali bilan chegaralanishdi.
O‘smirlar o‘rtasidagi bahslarda ishtirok etgan Boburxon Karimov (-55) oltin, Intizor Abdulalimova (-42) kumush, Madinabonu Mannopova (-46), Javohir Toshpulatov (-55) va Doniyor Yo‘ldoshev (-51) bronza medali uchun shohsupaga ko‘tarildilar.
Kadetlar bellashuvlarida o‘z omadini sinovdan o‘tkazgan vakillarimiz orasida Amirbek Turayev (-37), Azizbek Rahmonberdiyev (-45), Zafar Karimov (-37) oltin, Sevinch Musirova (-41) kumush, Umida Hasanova (-41), Mumtozbegim Xalilova (-37), Sanjarbek Kobiljonov (-33), Zarnigor Husniddinova (-33) bronza medali sovrindoriga aylanishdi.
Eng kichik yoshlilar o‘rtasida g‘olib nomini aniqlash uchun o‘tkazilgan bahslar yakuniga ko‘ra, Abdumalik Abdumajidov (-27) birinchi, Nurlan Baxajayev (-36), Diyora Inomaliyeva (-29), Kamolbek G‘ulomjonov (-24) ikkinchi, Zafar Sattorov (-27), Izzatbek G‘ulomjonov (-22) uchinchi o‘rindan joy egallashdi.
Shunday qilib, umumjamoa hisobida 7 oltin, 5 kumush va 11 bronza medalini qo‘lga kiritgan sportchilarimiz 9 iyul kuni Toshkent shahriga qaytib kelishadi.
