Avstriyaning Leogang shahrida o‘tayotgan futbol bo‘yicha shifokorlar o‘rtasidagi Jahon chempionatida O‘zbekiston terma jamoasi 1/8 final chiptasini qo‘lga kiritdi.
Morell Cup deb nom olgan musobaqani AQSH ustidan qozonilgan 4:1 hisobidagi g‘alaba bilan boshlagan o‘zbekistonlik shifokorlar, 2-turda mezbon Avstriya bilan durangga rozi bo‘ldi — 0:0.
Bir necha daqiqa oldin O‘zbekiston terma jamoasi Braziliya doktorlari ustidan 2:0 hisobida zafar quchib, guruhni 7 ochko bilan 1-o‘rinda yakunladi va nimchorakfinalga yo‘l oldi.
Bu bosqichda o‘zbekistonlik doktorlarga kim raqib bo‘lishi ertangi o‘yinlardan so‘ng ma’lum bo‘ladi.
