«Ayaks» klubi yarimhimoyachisi Abdulhaq Nuriy o‘tgan haftada, o‘rtoqlik o‘yini paytida maydonga hushsiz yiqilgan edi.

Ayni paytda shifokorlar uning ahvolini o‘ta og‘ir deb baholamoqda, chunki futbolchining miyasida tiklanib bo‘lmas jarayonlar yuz bergan.

Uning akasi Abdurahimning gapiga ko‘ra, katta ehtimol bilan u bundan buyon yurolmasligi, gapirolmasligi va odamlarni tanimasligi mumkin.

Eslatib o‘tamiz, 20 yoshli futbolchi «Verder»ga qarshi o‘rtoqlik o‘yinida hushidan ketgan edi. Keyinchalik shifokorlar uning yuragida muammo borligini aniqlashdi. Ayni paytda u sun’iy koma holatiga tushirilgan.

Nuriy «Ayaks» tarkibida 9 ta o‘yin o‘tkazgan. Jamoa yoshlari tarkibida esa 45ta o‘yinda maydonga tushib, 11ta gol urgan.