Xitoyning Veynan shahrida 15 yoshgacha bo‘lgan futbolchilar o‘rtasidagi Hua Shan Cup xalqaro turnirining 2-tur uchrashuvlari bo‘lib o‘tdi.
O‘zbekiston o‘smirlar termasi ushbu turda mezbon Xitoy U-15 termasiga qarshi maydonga tushib, 1:0 hisobida g‘alaba qozondi. O‘yindagi yagona golga Jasur Jaloliddinov mualliflik qildi.
Eslatib o‘tamiz, dastlabki turda Dilshod Nuraliyev shogirdlari Chexiya o‘smirlar terma jamoasiga 1:3 hisobida imkoniyatni boy bergandi.
Hua Shan Cup xalqaro turniri
Xitoy, Veynan
15 iyul, shanba
O‘zbekiston U-15 – Xitoy U-15 — 1:0
Gol: Jasur Jaloliddinov (11)
O‘zbekiston U-15: Mo‘minmirzo Qodirov, Hurshid Ubaydullayev, Jasur Abdulbekov, Temur Mamasiddiqov (Ruslan Ro‘ziyev, 89), Diyor Rahmonbekov, Jasur Jaloliddinov, Mironshox Sattorov, Doniyor Sobirov, Muhammadyusuf Nosirov (Sardor Abdurashidxo‘jayev, 60 – Miraziz Saidov, 89), Igor Chirkizov (Bobur Sobirov, 82), Azamat Abdulhalilov (Abdurauf Bo‘riyev, 46).
Xitoy U-15: Guo Tong, Fan Ruivey, Abudu Rexeman, Su Bi, Jang Singliang, Gao Baxao, Shi Yan, Jang YujiYE, Liang Shaoven, Lyu Siangchen, Jin Yixang.
Musobaqaning so‘nggi turi 17 iyul, dushanba kuni bo‘lib o‘tadi. Dilshod Nuraliyev shogirdlari Yaponiyaga qarshi bahs olib borsa, Xitoy o‘smirlari Chexiya bilan kuch sinashadi.
