«PSJ» klubi va Fransiya terma jamoasining sobiq bosh murabbiyi Loran Blan yangi lavozimga tayinlanishi mumkin.
Fotospor xabariga ko‘ra, Turkiya futbol federasiyasi rahbari Yildirim Demiro‘nen 51 yoshli mutaxassis bilan Parijda muzokara o‘tkazgan va mamlakat terma jamoasini boshqarishni taklif qilgan.
Avvalgi bosh murabbiy Fotih Terim 4 yillik faoliyatdan so‘ng, yaqinda iste’foga chiqqan edi.
Hozirgi paytda Turkiya terma jamoasi JCH-2018 saralash guruhida Xorvatiya va Islandiyadan keyin 3-o‘rinda bormoqda va mundial yo‘llanmasidan quruq qolishi mumkin.