«Barselona» shu yilning avgust oyida Italiyada tashkil etiladigan «Friuli Venezia Giulia» o‘rtoqlik kubogida qatnashadi. Bu haqda turnir tashkilotchilari matbuot xizmati xabar bermoqda.
Ma’lum qilinishicha, mazkur qisqa muddatli turnirga Italiyaning Udine shahridagi «Bluenergy» stadioni mezbonlik qiladi. Yangi mavsumga tayyorgarlik vazifasini o‘tab beruvchi ushbu musobaqada Kataloniya klubidan tashqari, mezbonlar — «Udineze» hamda Angliya Premyer-ligasi vakili «Nottingem Forest» jamoalari sovrin uchun kurash olib borishadi.
Klublarning o‘zaro bahslari 2026 yilning 8 avgust kuni bo‘lib o‘tishi rejalashtirilgan.
