«Барселона» шу йилнинг август ойида Италияда ташкил этиладиган «Friuli Venezia Giulia» ўртоқлик кубогида қатнашади. Бу ҳақда турнир ташкилотчилари матбуот хизмати хабар бермоқда.
Маълум қилинишича, мазкур қисқа муддатли турнирга Италиянинг Удине шаҳридаги «Bluenergy» стадиони мезбонлик қилади. Янги мавсумга тайёргарлик вазифасини ўтаб берувчи ушбу мусобақада Каталония клубидан ташқари, мезбонлар — «Удинезе» ҳамда Англия Премьер-лигаси вакили «Ноттингем Форест» жамоалари соврин учун кураш олиб боришади.
Клубларнинг ўзаро баҳслари 2026 йилнинг 8 август куни бўлиб ўтиши режалаштирилган.
