«Shanxay SIPG» yarimhimoyachisi Odil Ahmedov Xitoy futbolidagi taassurotlari bilan o‘rtoqlashdi.

"Xitoyliklar - oddiy yigitlar. Ruslarga nisbatan, ular bilan muloqot qilish osonroq. Xitoyda ham legionerlar soniga cheklov bor, biroq bu ularning ahloqiga ta’sir qilmaydi.

Rossiya chempionatida asosiy tarkib futbolchilari jon kuydirmay qo‘yadi, baribir o‘yinga tushaman deb o‘ylaydi. Xitoyda esa futbolchilar qora terga botib mehnat qiladi. Har doim.

Asosiy tarkibdan o‘rin olish uchun xitoylik qattiq raqobatlashadi. Hammasi maydonga tushishni istaydi. Ishonchim komil, 5-6 yildan so‘ng, ularning mahorati ham oshadi. Bundan tashqari, ular xorijlik legionerlardan juda ko‘p narsalarni o‘rganib olmoqda.

«SIPG» klubimizda eng ko‘p maslahat beruvchi Xalk yoki Oskar emas, balki Rikardu Karvalyodir. Portugaliyalik futbolchi - haqiqiy yetakchi! Eto’O «Anji»da nima ish qilgan bo‘lsa, Karvalyo shu ishni qilmoqda. U barcha uchun ustoz bo‘lmoqda" - dedi Ahmedov 8news xabarida.