«Шанхай СИПГ» яримҳимоячиси Одил Аҳмедов Хитой футболидаги таассуротлари билан ўртоқлашди.
"Хитойликлар - оддий йигитлар. Русларга нисбатан, улар билан мулоқот қилиш осонроқ. Хитойда ҳам легионерлар сонига чеклов бор, бироқ бу уларнинг аҳлоқига таъсир қилмайди.
Россия чемпионатида асосий таркиб футболчилари жон куйдирмай қўяди, барибир ўйинга тушаман деб ўйлайди. Хитойда эса футболчилар қора терга ботиб меҳнат қилади. Ҳар доим.
Асосий таркибдан ўрин олиш учун хитойлик қаттиқ рақобатлашади. Ҳаммаси майдонга тушишни истайди. Ишончим комил, 5-6 йилдан сўнг, уларнинг маҳорати ҳам ошади. Бундан ташқари, улар хорижлик легионерлардан жуда кўп нарсаларни ўрганиб олмоқда.
«СИПГ» клубимизда энг кўп маслаҳат берувчи Халк ёки Оскар эмас, балки Рикарду Карвальодир. Португалиялик футболчи - ҳақиқий етакчи! Это’О «Анжи»да нима иш қилган бўлса, Карвальо шу ишни қилмоқда. У барча учун устоз бўлмоқда" - деди Аҳмедов 8news хабарида.
