Oliy liganing 17-turida “So‘g‘diyona” “Lokomotiv”ni qabul qildi va 0:4 hisobida mag‘lubiyatga uchradi.
O‘yindan so‘ng mezbonlar bosh murabbiyi matbuot anjumaniga qatnashdi.
"Avvalambor, “Lokomotiv”ni haqli g‘alabasi bilan tabriklayman. O‘yin davomida raqib jamoa o‘yinda ustunlikka ega bo‘ldi,to‘pni nazorat qilishdi va natijada 4 ta gol urishga muvaffaq bo‘lishdi. “Bunyodkor” bilan bo‘lgan o‘yinni biz bugun ko‘rmadik. Bugun 3 nafar futbolchimiz jarohati sababli o‘yinda yordam bera olmadi. Muzaffar Abdullayev jarohat olgani bois Shirinboy Abdullayevni maydonga tushurishga majbur bo‘ldik. Bundan tashqari Elyor Orifov,G‘ayrat Umirovlar mashg‘ulot jarayonida jarohat olishdi. Lekin bu o‘zimizni oqlash uchun sabab bo‘la olmaydi. O‘yin davomida nimanidir o‘zgartirishga harakat qildik biroq, vaziyatlarni yakuniga yetkazishda omad yetishmadi. O‘z o‘yinimizni topib olish uchun bizga biroz vaqt kerak" -dedi Igor Shkvirin.
