Oliy liga 17-turidan o‘rin olgan “Sho‘rtan” – “Dinamo” (1:0) o‘yinidan so‘ng, “Dinamo” bosh murabbiyi Oleg Tyulkin jurnalistlar savollariga javob qaytardi.

- O‘yin borasidagi fikrlaringiz?

- Avvalambor “Sho‘rtan”ni bugungi g‘alaba bilan tabriklayman. Ushbu tengkurashlar ostida o‘tgan bahsda o‘zimizga gol urib vaziyatni murakkablashtirib quydik. Bugun shogirdlarim o‘z imkoniyatlarini hattoki 20% ham ko‘rsata olishmadi.

- Saidjamol Davlatjonov va aksariyat futbolchilar ketma-ket uchinchi uchrashuvda ham asosiy tarkibda maydonga tushayotgan bo‘lishsada, foydali ish koeffisiyenti pastligicha qolmoqda. Bu borada siz qanday fikrdasiz?

- Saidjamol Davlatjonovning o‘yiniga alohida to‘xtaladigan bo‘lsam, u hali o‘z ustida ko‘p ishlashi kerak, chunki unda katta potensial bor. Xatolari ustida ko‘proq ishlashi kerak. Ammo “Bunyodkor” bilan uchrashuvdan so‘ng nafaqat bu futbolchining balki butun jamoani xayrixohlikka boshlash va barqaror o‘yinini tiklash jarayoni biroz qiyin kechmoqda.

- Himoyadagi o‘yinni qanday baholaysiz?

- Oraxavasning tarkibda yo‘qligi juda pand bermoqda. Jamoaga konsentrasiya ham yetishmayapti. Bu joriy mavsumdagi ikkinchi avtogolimiz. Buning ustidan tegishli tartibda ishlaymiz.

- Oldinda “Paxtakor”ga qarshi uchrashuv kutib turibdi. Tarkibda jiddiy o‘zgarishlar qilish vaqti kelmadimi?

- Keyingi o‘yinda Adnan Oraxovas safimizda bo‘ladi. Ammo muammo bu bilan yechimini topmaydi. Sababi, Davlatjonov raqib jamoadan ijaraga olingan o‘yinchi va toshkentliklarga qarshi maydonga tusholmaydi. Tarkib borasida yana o‘zgarishlar qilishga majbur bo‘lamiz. Ko‘ramiz, tarkibni qay daraja o‘zgartira olarmiz.