Ispaniya terma jamoasi sobiq yarim himoyachisi, 2010 yilgi Jahon chempioni Xavi 2026 yilgi dunyo birinchiligining eng yaxshi o‘yinchisini saralash usuli bilan tanlab oldi.
– Messi yoki Saloh?
– Messi.
– Lamin Yamal yoki Xarri Keyn?
– Lamin.
– Krishtianu Ronaldu yoki Vinisius Junior?
– Ehtimol, Vinisius.
– Mbappe yoki Holand?
– Juda qiyin. Holand, chunki u Norvegiya terma jamoasida o‘ynaydi.
– Vinisius Junior yoki Holand?
– Holand.
– Messi yoki Yamal?
– Voy, bu xuddi ota va ona o‘rtasida tanlov qilishdek gap (kuladi). Ammo ushbu Jahon chempionatida — Messi.
– Messi yoki Holand?
– Messi, — dedi Xavi Daily Mail nashrining X ijtimoiy tarmog‘idagi sahifasida joylashtirilgan videoda.
Messi Jahon chempionatining yettita uchrashuvida sakkizta gol va to‘rtta golli uzatmani amalga oshirdi. JCH-2026 finalida Argentina Ispaniyaga qarshi o‘ynaydi.
