"Chelsi" mashg‘ulotlaridan chetlatilgan Diyego Kosta bosh murabbiy Antonio Konte haqida gapirdi.
Avvalroq, italiyalik mutaxassis unga yangi mavsumda rejalaridan o‘rin olmagani haqida SMS yozgan edi.
«Uning g‘oyalari aniq va ravshan. U o‘z fikrini o‘zgartirmaydi. Uni yaxshi murabbiy sifatida hurmat qilaman, biroq odam sifatida - yo‘q. U o‘zini futbolchilardan uzoqda tutadi.
SMS haqida gapiradigan bo‘lsam, bu gaplarni o‘zimga aytishi ham mumkin edi. O‘sha paytda g‘azabda edim, biroq hozir o‘zimga kelib oldim. Men bu SMSni o‘chirib yubormadim. Agar meni yolg‘onda ayblasangiz, uni ko‘rsatishim mumkin" - dedi Kosta.
