Angliya klublari transfer qoidalariga jiddiy o‘zgarishlar kiritilishiga sabab bo‘lishi mumkin.
Sentyabr oyida APL klublarining navbatdagi yig‘ilishi bo‘lib o‘tadi. Unda transfer darchasi har doimgidek 1 sentyabr kuni emas, balki APL 1-turi sanasigacha yopilishi haqida qaror qabul qilinishi rejalashtirilmoqda.
Bu o‘zgarishni APL klublarining ko‘pchiligi qo‘llab quvvatlamoqda va katta ehtimol bilan u tasdiqlanib, kelasi mavsumdan boshlab kuchga kiradi.
Eslatib o‘tamiz, APL joriy mavsumi 13 avgust kuni, transfer darchasi yopilishidan 18 kun oldin start olgan edi.