Milliy terma jamoamizga “Lokomotiv”dan 5 nafar futbolchi chaqirilgani sababli “temiryo‘lchilar”ning 19-tur doirasidan o‘rin olgan uchrashuvi noma’lum muddatga qoldirildi.
Yuzaga kelayotgan tanaffusdan unumli foydalanish maqsadida jamoamiz “Olmaliq” bilan o‘rtoqlik o‘yini o‘tkazishni rejalashtirgani haqida xabar bergan edik. Bugun rejadagi uchrashuvlarning dastlabkisi o‘tkazildi. Unda “Lokomotiv”ning o‘rinbosarlari “Olmaliq” jamoasining asosiy tarkibiga qarshi maydonga chiqdi. Qiziqarli tarzda o‘tgan o‘yinda tajriba o‘z “so‘zi”ni aytdi va olmaliqliklar 3:0 hisobida g‘alabaga erishishdi. Uchrashuvda kiritilgan gollarga Ulug‘bek Abdullayev (avtogol), Sanjar Rixsiboyev hamda Shoxnazar Norbekov mualliflik qilishdi.
“Lokomotiv” (o‘rinbosarlar) – “Olmaliq” 0:3
Gollar: Ulug‘bek Abdullayev (4, avg.), Sanjar Rixsiboyev (63) Shoxnazar Norbekov (81).
“Lokomotiv”: Ahror Aslonov, Ulug‘bek Abdullayev, Umar Adhamzoda, Sergey Proxorov, Farrux Ibragimov, Bek Abdullayev, Alisher Sheraliyev, Yevgeniy Tanayev, Jahongir Safarov, Bobur Ergashev, Bobir Tillaboyev.
Zaxiradan maydonga tushganlar: Vladimir Vagin, Yusuf Shoimov, Lazar Adamov, Shoxruh Mo‘minqulov, Vohid Yunusov, Shohjahon Hasanov.
2 sentyabr sanasida “Lokomotiv”ning asosiy tarkibida ham “Olmaliq”qa qarshi o‘rtoqlik o‘yinida maydonga tushadi.
