"Suonsi" hamda Janubiy Koreya terma jamoasi a’zosi Ki Sung Yong Rossiyada o‘tadigan JCH-2018 saralashi doirasida bo‘ladigan Eron hamda O‘zbekiston terma jamoalariga qarshi bahs oldidan o‘z fikrlarini bildirdi.
"Terma jamoaning oldindagi ikki o‘yinida yordam bera olmasligimdan xafaman. Jarohatdan tuzalib olganimdan keyin yuqori sport formasiga qaytishim uchun qattiq mehnat qilaman.
Biz hali JCH masalasini hal qilmadik. Shu boisdan ham Eron bilan o‘yindan ko‘ra, O‘zbekistonga qarshi baxs qiyinroq o‘tadi", - dedi futbolchi.
"Suonsi" rahbariyati futbolchining oyoq to‘pig‘ida jarohati borligi bois termaning yig‘inlariga jo‘natmadi. U yaqin bir oyni jarohati bois o‘tkazib yuborishi mumkin.
