"Суонси" ҳамда Жанубий Корея терма жамоаси аъзоси Ки Сунг Йонг Россияда ўтадиган ЖЧ-2018 саралаши доирасида бўладиган Эрон ҳамда Ўзбекистон терма жамоаларига қарши баҳс олдидан ўз фикрларини билдирди.
"Терма жамоанинг олдиндаги икки ўйинида ёрдам бера олмаслигимдан хафаман. Жароҳатдан тузалиб олганимдан кейин юқори спорт формасига қайтишим учун қаттиқ меҳнат қиламан.
Биз ҳали ЖЧ масаласини ҳал қилмадик. Шу боисдан ҳам Эрон билан ўйиндан кўра, Ўзбекистонга қарши бахс қийинроқ ўтади", - деди футболчи.
"Суонси" раҳбарияти футболчининг оёқ тўпиғида жароҳати борлиги боис терманинг йиғинларига жўнатмади. У яқин бир ойни жароҳати боис ўтказиб юбориши мумкин.
