Isroil milliy termasi sardori Eran Zaxavi jamoadan haydaldi.
JCH—2018 saralashining 7-turida isroillik futbolchilar Makedoniyani qabul qilib, kutilmaganda 0:1 hisobida imkoniyatni boy berib qo‘ydi. Butun uchrashuv davomida mahalliy muxlislar isroillik futbolchilarga norozilik bildirib, hushtak chalib turdi.
Bundan g‘azablangan Eran Zaxavi sardorlik bog‘ichini yechib, uni otib yubordi. Mazkur holat ishqibozlarni yanada junbushga keltirdi va ular jamoa sardorini termadan chetlatishni talab qila boshladi. Isroil futbol assosiasiyasi esa muxlislar talabini qondirdi.
"40 yildan buyon Jahon Chempionatiga chiqa olmaymiz. 40 yildan buyon oldinga intilish ko‘rinmaydi. Shunday bir paytda hushtaklarni eshitib, yuragim qinidan chiqib ketay dedi" - dedi Eran Zaxavi, Isroil termasining sobiq sardori.
Futbolchining o‘zi Instagram sahifasida chiqish qilib, terma jamoadagi karyerasini yakunlagani va milliy jamoada boshqa maydonga tushmasligi haqida aytib o‘tdi.
