"Barselona"ning yangi futbolchilaridan biri bo‘lgan Usmon Dembele kataloniyaliklar safidagi debyutini La-Ligasining 3-turidan o‘rin olgan "Espanyol"ga qarshi o‘yinda o‘tkazishi mumkin. 20 yoshli futbolchi 9 sentyabr kuni o‘tkaziladigan uchrashuvda ishtirok etishi mumkin bo‘lgan o‘yinchilar ro‘yxatiga kiritilgan.
Shuningdek, uchrashuvda jarohatidan tiklangan Luis Suares ham maydonga tushishi mumkin.
Jamoa yarim himoyachisi Serxi Roberto esa mashg‘ulotlar vaqtidagi jarohati sabab uchrashuvni o‘tkazib yuboradi.