Islandiyaning eng mashhur futbolchisi Eydur Gudyonsen futbolchilik faoliyatini yakunladi.

Fotbollskanalen xabariga ko‘ra, 38 yoshli futbolchi bundan buyon professional darajada to‘p surmaydi, ammo havaskorlar darajasida o‘ynashi mumkin.

«Menimcha hech qachon futbolni tark eta olmayman. Qancha qo‘limdan kelsa, shuncha o‘ynayman» - dedi Gudyonsen.

Gudyonsen o‘z faoliyati davomida 10ta davlatdagi 17 klubda to‘p surgan. Bular qatorida «PSV Eyndxoven», «Bolton», «Chelsi», «Barselona», «Monako», «Tottenhem», «Stok Siti», «Fulhem» nomlari bor. Eydurning oxirgi klubi Hindistondagi «Puna Siti» bo‘ldi. Gudyonsen Islandiya terma jamoasi safida 88 marta maydonga tushgan va 26 gol urgan. U o‘z mamlakatida 7 marta eng yaxshi futbolchi sifatida tan olingan.